Kanner- a Familljenhëllef : e breede Consultatiounsprozess fir e nationale Qualitéitskader

Den 10. November 2020 war de Startschoss vun engem breet ugeluechte Consultatiounsprozess am Kontext vun engem nationale Referenzkader (DE: Rahmenplan ; FR: Cadre de référence) fir de Secteur vun der Aide à l’enfance et à la famille (AEF). An der Kanner- a Familljenhëllef kritt all Kand a Jonken bis 27 Joer déi néideg Hëllef an Ënnerstëtzung ugebueden, deen enger Menace a senger physescher, psychescher, mentaler oder sozialer Entwécklung ënnerläit, deen enger physescher oder moralescher Gefor ausgesat ass oder riskéiert Affer vu sozialer Exklusioun ze ginn.

D’Erausfuerderung am soziale Secteur ass et sech ëmmer erëm un déi gesellschaftlech Entwécklung an un déi domat verbonnen Defien unzepassen. Och d’Kanner- an d’Familljenhëllef ass iwwert d’Joren gewuess, doduerch datt reegelméisseg nei Projeten an Hëllefsmesüren an d’Liewe geruff ginn. E nationale Referenzkader soll déi ganz Panoplie u Mesüren kadréieren an d’Qualitéit am Secteur sécherstellen. E kann als Analogie zum nationale Referenzkader fir déi non-formal Bildung ugesi ginn, an deem zënter 2018 déi allgemeng Zilsetzungen a pedagogesch Prinzippie beschriwwe sinn, déi d’Crèchen, d’Maison Relaisën an d’Dageselteren zugonschte vun de Kanner mussen ëmsetzen.

Déi laangjäreg ugesammelt Erfarungen a Wëssensbestänn sollen d’Source fir d’Ausschaffe vum Referenzkader fir den AEF-Secteur sinn, sou datt an de nächste Méint verschidden Aktivitéiten ënnert dem Numm “Social Lab” stattfanne wäerten, déi all Partie Prenante aus dem Secteur AEF – vum Beneficiaire iwwert d’Fleegefamilljen, den Professionellen aus dem edukativen wéi och aus dem Gesondheetsberäich, den Direkteren, den administrativen Servicer, de Partner aus dem Schoulwiesen, der Justiz an der Santé bis hin zu den verschiddenen Ministèren – an enger partizipativer Approche usichen an aktiv matschaffen loossen. “Et ass wichteg dat mir all d’Acteure consultéieren, déi an der AEF aktiv sinn, et ass awer och wichteg, datt mir d’Stëmm an d’Iddie vun den Beneficiairen, déi an enger Hëllefsmesüre vun der AEF sinn oder waren, net vergiessen,” huet de Minister fir Educatioun, Kanner a Jugend, Claude Meisch, bei der Begréissung betount.

Opgrond vun der aktueller sanitärer Kriis an den domat verbonnenen Restriktiounen, huet de Kick-Off vum Consultatiounsprozess a Form vun engem Webinär missen stattfannen. Net manner ewéi 90 Leit aus ënnerschiddlechen Aarbechtsfelder vum AEF-Beräich hu wärend 2,5 Stonne méi wéi 500 perséinlech Contributioune apportéiert, dorënner ganz vill Iddien, Kommentaren, Kritiken, Stäerkten, Schwächten, esou wéi konkret Verbesserungsvirschléi a Visioune fir d’Zukunft vun der Kanner- a Familljenhëllef an dem Jugendschutz.

Trotz dem Ausbleiwe vun der eigentlech geplangter Präsenzveranstaltung, ass den Event e Succès gewiescht. Déi vill wäertvoll Aussoe weisen d’Bereetschaft an d’Expertise am Sozialwiese fir Verännerungen an Innovatiounen do wou se sënnvoll a noutwendeg sinn. Si guidéieren déi véierkäppeg Equippe vum “Social Lab”, déi de gesamte Consultatiounsprozess koordinéiert, an hiren nächste Schrëtt. Et geet elo drëm geziilt vereenzelt Themen opzegräifen an zesumme mat de concernéierten Acteuren ze analyséieren, a wéiwäit an ënnert wéienger Form dës an de Referenzkader afléisse mussen.

Déi genannten Themen reechen an de grousse Linne vun der Participatioun vun de Beneficiairen, iwwert eng intensiv, systematesch a flächendeckend Preventioun an eng méi staark Visibilitéit vum Secteur AEF, den Developpement vum Transitiounsmanagement, der Promotioun vun der Transparenz am Secteur, d’Intensivéierung vun der Elterenaarbecht, d’Verbesserung vun de Qualifikatiounsweeër punkto initial Ausbildung a Weiderbildung bis hin zum Ausbau vun der Vernetzung an d’Optimiséierung vun de Schnëttstelle ewéi z.B mam Justizapparat, dem Schoulwiesen an der Jugendpsychiatrie.

De Consultatiounsprozess “Social Lab” gett vum Minstère, am Zesummenaarbecht mat der ANCES (association nationale des communautés éducatives et sociales) an  der FEDAS (fédération d’organismes du secteur social) organiséiert. E verleeft iwwert e ganzt Joer a wäert a nächster Zukunft och iwwert eng participativ online-Plattform animéiert ginn.

Verëffentlecht: MENJE, FEDAS, ANCES

Film zur Kick-Off Veranstaltung vun der Kanner- an Familljenhëllef

Ähnliche Beiträge:

Educatiounsministere Luxembourg: Procédure législative vum Projet de loi 7994. Eng Informatiounsveranstaltung.

  • ANCES Verein/société
  • National
  • Neuigkeiten

Am Kader vun der Procédure législative vum Projet de loi 7994 portant aide, soutien et protection aux…

Sozialrouten eine Begriffsbestimmung

Stationen der Geschichte
  • ANCES Verein/société
  • National
  • Projekte

„Sozialroute“ ist ein Begriff welcher nicht klar definiert ist und somit für Innovation prädestininert. Durch das vorliegende…

Assemblée Générale 17.November 2021

  • ANCES Verein/société
  • National
  • Neuigkeiten
  • Projekte

Assemblée Générale / Generalversammlung 2021 Am 17. November 2021 fand im Salle am Duerf zu Itzig/Hesperange die…

Porte Ouverte am 28.01.2022

  • ANCES Verein/société
  • National
  • Neuigkeiten
  • Projekte

Léif Frënn vum LTPES a vum IEES, Mir sinn immens motivéiert fir „endlech“ eng Alumni op d’Been…

Unsere Ziele und Aufgaben

  • ANCES Verein/société

ANCES erweitert den pädagogischen Horizont. Wir bieten eine Plattform, fördern den Austausch über Themen der Sozialen Arbeit.…

Ances.lu stellt Projekte für 2022 vor

  • ANCES Verein/société

Anlässlich seiner Generalversammlung des Fachverbandes für Soziale Arbeit, Bildung und Erziehung, zu der Interessierte aus allen Bereichen…