Sie ist da unsere Jubiläumsausgabe zum 45 jährigen bestehen der ances. Begeben Sie sich mit uns auf die Reise durch die Zeit.
Aus dem Inhalt unserer Jubiläumsausgabe ances:
Léif Frënn vun der ances,
Dir hutt grad eis Jubiläumseditioun vun eisem arc an der Hand, dee mer anlässlech zum 45te Gebuertsdag vun der ances publizéieren. Sou huet dës Ausgab keen thematesche Schwéierpunkt, ewéi der dat soss vum arc gewinnt sidd, mee mer maachen e Sträifzuch duerch déi 45 järeg Geschicht vun der ance, mat an ouni « s ».
Wien schonns mol um Prozess vun der Publicatioun vun engem Bulletin oder Zeitung deel geholl huet, weess dass et all Kéiers op en Néits Energie, Kreativitéit, Manpower, Themen, Bildmaterial a natierlech och e Budget brauch bis et drockfärdeg ass. Op dëser Plaz wéilt ech den ehemalegen Weggefährten a Präsidente vun der ances Merci soe fi r hir Beiträg an Zäit, der Redaktiounsequipe, eise Mataarbechter fir hier Ausdauer a Gedold an der Oeuvre Nationale de Secours Grande-Duchesse Charlotte, dass se eis Jubiläumseditioun finanziell mat ënnerstëtzt.
Ewéi d’ance viru 45 Joer gegrënnt gouf, hunn d’Aueren nach e bëssi méi lues getickt, de soziale Secteur war nach ganz iwwerschaubar, a fir sech mat Fachkolleegen aus dem Ausland auszetauschen, huet e missen dohi fueren, e Bréif schreiwen oder telefonéieren. Beim liese vun den eenzelnen Temoignagen, gëtt engem bewosst, dass déi tëschemënschlech Relatioune viru 45 Joer och um Niveau vun der benevoller Aarbecht eng aner Nues hat.
D’ances huet sech a 45 Joer vill entwéckelt. Déi fréier Memberen hunn ëmmer erëm Steng an d’rulle bruecht wouduerch sech déi sozial Landschaft zum positiven entwéckelt huet, Erfarungen a Wësse goufen ausgetosch, net nëmmen hei am Land mee och am Ausland, an et gouf versicht de Professionellen ënnert anerem iwwert de Wee vun engem Fachmagasinn (de fréiere “Bulletin” an haut den “arc”) e Perspektivewiessel op hiren „daylie buisness“ ze bidden.
Mat Houfert kann ech behaapten, dass mer iwwert all déi Joren dësen Idealen trei bliwwe sinn, an d’ances haut ewéi fréier e Fachverband ass, deen sech zwëscht der Wëssenschaft an der Praxis situéiert an ëmmer versicht een Aen op déi ze werfen, déi an der Gesellschaft nach ze oft aus dem Bléckfeld geroden.
An deem Sënn, vill Spaass beim Liesen an alles Gutts.
Geert van Beusekom
Präsident ances a.s.b.l.
